Tore Renberg er ein meister i å ta oss med over terskelen og inn i det krakelerande menneskesinnet. I "Lorden" kombinerer han litterær dristigheit og språkleg fingerspisskjensle med stor omsorg for det menneskelege. Eit djuptpløyande og intenst mannsportrett, skrive med ei særeigen psykologisk innsikt.

"Lorden" er ein oppslukande og urovekkjande roman, mørkt lysande og full av vrimlande menneskeliv. Saman med "Tollak til Ingeborg" og "Du er så lys" dannar den ein trilogi av psykologiske mysterieromanar om utsette og desperate menn.

Jon Magne Moi er pensjonert lærar og entusiastisk formann historielaget i bygda. Ein dag finn Jon Magne ei ung jente i snøen. Det er den lokale barnestjerna som ligg der, forslått og medvitslaus. Jon Magne er overtydd om at han veit kva som har skjedd, og no skal han konfrontere den skuldige.

Kven i bygda står bak ugjerninga? Og kva er det denne mørke hendinga vekkjer i Jon Magne?

"«Lorden» er en intelligent og subtil roman som har langt flere spørsmål enn svar om mennesket i den moderne verden. Gjennom romanen, som har en eim av krim og mystikk, viser Renberg en uvanlig god sans for karakterutvikling og vår tids klisjeer"
AFTENPOSTENS ANMELDERE, ÅRETS 10 BESTE BØKER 2024

"Psykologisk thriller … Tore Renberg held fram undersøkinga si av menneskets råskap … ei fascinerande forteljing om bygdedyr, misunning, fantasi og skapetrong … Ei rikt boblande bok, med eit veldig sug … Samsvaret mellom forteljestil og handling er det aller beste med «Lorden», imponerande godt gjennomført også til Renberg å vere. "
GERD ELIN STAVA SANDVE, DAGSAVISEN

"«Lorden» er en litterær prestasjon fra evig skapende Tore Renberg. Ut av fortellinger om en mytisk Lord og en tragisk jentehistorie vikles en annen historie, om en forteller som langsomt mister kontrollen der vi får være vitner til at manien vokser fram – innenifra. Dette er stor skrivekunst"
ANDREAS WIESE, DAGBLADET, ÅRETS BESTE BØKER 2024